Dino total幫我做左3條片，concept video,成長片段，同埋same day edit video。
首先我想講，當我決定搵Dino做我videographer既時候，距離big day唔夠半個月既時間。我地第一樣討論既野當然係concept video,同佢開會既時候佢問我幾個簡單問題，我同佢講大概想要d咩，佢就已經好清楚要點拍，因為條片要有行山既部份，佢地竟然拎住粗重既器材陪我地攀山涉水，我地非常欣賞佢地敬業既精神，而且佢地細心地將拍攝工作分開2日，務求做到最好。另外，制作成長片段需要既照片同音樂，我係big day前2日先confirm到俾佢，但係出黎既效果非常好，非常清新而且唔會俗套。到最後same day edit video,我想講有佢同Billy(photographer) 2個係度，我全日已經唔需要擔心拍攝既問題，可以專心忙自己既事。全程Dino可以由頭帶到尾，俾到我專業意見亦會加入我想要既野。我想再特別多謝佢既，係因為我地既wedding ceremony係晚上8點半開始既，但係Dino好想將ceremony呢part加埋入same day edit video裡面，換言之ceremony完左後佢要馬上趕工，係極短時間內完成早拍晚播呢條片，最令我意外既係當我一睇到呢條片既時候，我係完全唔敢相信完整度同流暢度係近乎完美，佢地專業既精神同高效率令到我有d朋友開玩笑話以為我請左荷李活制作團隊黎幫我地，我話佢地係Dino W Production. 係度想再次多謝你地既幫忙，我已經推薦左Dino Wong比我身邊既朋友！