做左好多功課又試左好多間之後，歸納出一些小小心得。
相信已經租左衫又好似我甘鐘意做功課既B2B 都大概知道，
不過都想幫幫一些未有概念又未係好深入了解呢個項目既B2B，所以都整理出來。
希望幫到未搵到衫既你啦～～
picture source from bridalmusings.com
=========================================================
心得1: 記得唔好衝動，每個類別都要睇睇。我本身係想係平靚正之選到搵既，點知愈睇愈多，愈知自己想要咩。你唔襯未俾訂之前睇過哂，好容易之後後悔的。(太多太多呢D case～)
～～～～～～～～～～～～～～～～～～～～～～～～～～～～～～～～～～～～～
心得2: 幾鐘意都好。一定要睇過鏡效果。好似我前文甘講，明明著時自己好鐘意，一過鏡就變左個樣。有些店是不准拍照的，你可以請佢用佢既電話為你拍再比你睇。一般都可以的。
～～～～～～～～～～～～～～～～～～～～～～～～～～～～～～～～～～～～～
心得3:目標唔係揀自己最鐘意的，而係要揀最適合自己的
～～～～～～～～～～～～～～～～～～～～～～～～～～～～～～～～～～～～～
心得4: 有些B2B 著到魚尾的會心大心細究竟婚紗揀拖尾好定魚尾好呢? 甘就要睇下你既註冊行禮地點喇～如果你行酒樓，小型宴會廳等，兩樣都可以丫～邊款著得你靚咪揀邊款囉～但如果你行教堂，或圍數多，大型宴會廳，婚紗有拖尾真的比較有看頭喔～著魚尾好看的，可以係迎賓敬酒送客的晚裝穿著丫～
～～～～～～～～～～～～～～～～～～～～～～～～～～～～～～～～～～～～～
心得5:晚裝款式點分佈？ 一般迎賓會用上色彩搶眼一點既或者’牙炸’一點的，才不會在穿得美美的賓客中失去焦點。敬酒當然要用上紅色，而最多人用大紅色。因為你會配戴金器，所以大紅色是最配襯的。注意敬酒晚裝要考慮到敬酒時走動的需要，不要選擇太闊身或拖尾太長的。送客一般會用上夠修身及輕便的選擇，方便移動。
(即係我呢隻紅丫~~)
～～～～～～～～～～～～～～～～～～～～～～～～～～～～～～～～～～～～～
心得6: 最有可能join的店舖可安排同一日。有些店舖即時落訂才能hold到優惠但不少其實即日落訂都可以，可以將最有可能join 的店舖安排同一日，來個最後比較再決定。
～～～～～～～～～～～～～～～～～～～～～～～～～～～～～～～～～～～～～
心得7:有機會想係婚展就落訂租衫。但要婚展可以展示衫有限，展示衫亦多是鎮店之寶。所以都係個句，唔好衝動，建議可親身上去睇過整體衫既質素同種類才作決定。寧願揀啱在婚展落訂丫～
～～～～～～～～～～～～～～～～～～～～～～～～～～～～～～～～～～～～～
心得8: 落訂前問清楚訂金／尾數點俾。多數係比7成訂，攞衫時或final fit時比尾數。如果佢要你立刻俾10成，你要自己衡量下間舖信唔信得過。
～～～～～～～～～～～～～～～～～～～～～～～～～～～～～～～～～～～～～
心得9:絕對唔好因為即日確認既優惠而衝動落訂。優惠常常有，租衫店亦有好多。除非該裙係該店獨家代理或設計師品牌，其實有其他舖都會有個條裙既。真係要搵到啱既先好落訂。
～～～～～～～～～～～～～～～～～～～～～～～～～～～～～～～～～～～～～
心得10:落訂時，first hold前，落最少既訂。即係揀最平既衫落訂先hold左優惠先。一般都只welcome upgrade 唔比downgrad的，所以到first hold真係揀到衫先upgrade。有咩事，到時揀唔到既，最多都係係個間揀１條，甚至比人都好。減低損失～
～～～～～～～～～～～～～～～～～～～～～～～～～～～～～～～～～～～～～
心得11: 當你睇gown rental package時問清楚小心條款。例如：按金幾多？付款方式(e.g.現金或者支票)，幾點還衫（有些過左特定鐘數當一日計架）。
～～～～～～～～～～～～～～～～～～～～～～～～～～～～～～～～～～～～～
心得12:當你看到gown rental package 價錢時,要留意大部份婚紗拖尾都係有附加費的(一般$500-$1000都有)。有些拖尾統一收個定價，有些係根據拖尾長度收費( 你最好當最貴個個價錢，因為得佢先知幾錢)。試過店舖拖尾收$500-$1000， 問親佢條條都話係$1000。有少數都幾公道既～好似我租個間就大拖尾及重釘才收統一附加費～
但呢條甘大既拖尾 ~又唔駛加bo~
有釘工，好似甘都唔駛加~
所以upgrade既條件真係要店舖先知架~。當然有少數店舖拖尾係完全不另收費的。所以你計數時一定要計埋拖尾附加費去考慮。因為都可能多成$1000架～
source from wow.esdlife.com/space.php?uid=73070&do=blog&id=314405
